O'zbekcha
KASKO bo'yicha YHTsiz to'lovni qanday olish: yo'riqnoma
O'g'irlik, do'l, yong'in yoki vandalizm — har bir holat uchun qaysi organ, qanday hujjat va to'lov muddati. Aniq tartib.
Anderayting faoliyatida xorij tajribasi: “Euroasia Insurance”da xalqaro ekspert tomonidan master-klass o‘tkazilmoqda
Sug‘urta kompaniyalari faoliyatining barqarorligi, mijozlar ishonchi va bozordagi raqobatbardoshlik, avvalo, xavflarni to‘g‘ri baholash hamda sug‘urta da’volarini samarali boshqarish jarayonlariga bog‘liq.
Anderayting sifati qanchalik yuqori bo‘lsa, kompaniyaning sug‘urta portfeli shunchalik muvozanatli shakllanadi, zararlar koeffitsiyenti barqaror saqlanadi va moliyaviy natijalar uzoq muddatga kafolatlanadi.
Jamiyatda anderayting faoliyatini samarali tashkil etish hamda rivojlantirishda xalqaro amaliyotlar va ilg‘or yondashuvlarni joriy etish dolzarb vazifadir. Shu maqsadda Euroasia Insuranceda anderayting bo‘yicha xalqaro ekspert janob DONATUS KISSOON (Angliya) ishtirokida 10 kunlik seminar va master-klasslar o‘tkazish boshlandi va 18 dekabrgacha davom etadi.
Mazkur dastur doirasida anderaytingning asosiy tamoyillari, sug‘urta obyektlarini texnik baholash metodlari, inflyatsiya koeffitsiyentlarini xavf modellari tarkibiga integratsiya qilish, sug‘urta da’volarini ko‘rib chiqish masalalari chuqur o‘rganildi.
Shu o‘rinda anderayting jarayonining mohiyati haqida ham to‘xtalib o‘tsak.
Anderayting faqat texnik jarayon emas — u kompaniyaning barcha yo‘nalishlari bilan uzviy bog‘langan strategik mexanizmdir. Mahsulot yaratishda xavf va tariflarning to‘g‘ri baholanishi mahsulotning marjinalligini belgilaydi, marketing va sotuv jarayonlarida esa to‘g‘ri segmentatsiya va maqsadli auditoriyani tanlash imkonini yaratadi. Qayta sug‘urtalash siyosatida esa portfelning yuqori xavfli qismlarini to‘g‘ri taqsimlash va kompaniyani yirik zararlar xavfidan himoya qilishga xizmat qiladi.
Euroasia Insurance xalqaro ekspertning bilim va tajribalarini kompaniyaning barcha faoliyat yo‘nalishlariga joriy etishni maqsad qilgan. Xalqaro ekspertning boy tajribasi xodimlarda yangi professional madaniyat va ish faoliyatida xalqaro standartlarga asoslangan yondashuvni shakllantirdi.
Bu esa kelgusida Jamiyatning moliyaviy barqarorligini ta’minlash va sug‘urta bozoridagi raqobatbardoshligini yanada mustahkamlashga xizmat qiladi.
O'g'irlik, do'l, yong'in yoki vandalizm — har bir holat uchun qaysi organ, qanday hujjat va to'lov muddati. Aniq tartib.
O'zbek futboli yangi sahifa ochmoqda. O'zbekiston terma jamoasi ilk bor Jahon chempionatining final qismiga yo'l oldi — bu nafaqat futbol, balki mamlakatdagi butun sport uchun muhim voqea. Turnir arafasida xuddi shu maqsadga — o'zbek futbolini rivojlantirishga xizmat qiluvchi hamkorlik yo'lga qo'yildi.
EUROASIA INSURANCE 2026 yilning yanvar-aprel oylarida 330 ta sug'urta da'vosini 12 kun ichida ko'rib chiqdi. Mijozlar qoniqlishi 95% dan yuqori.
EUROASIA INSURANCE sug‘urta kompaniyasiga SNS Ratings agentligi tomonidan to‘lovga qobiliyatlilik bo‘yicha eng yuqori (uz) AAA reytingi berildi. Kompaniyaning moliyaviy barqarorligi haqida batafsil bilib oling.