O'zbekcha
Toshkent, O‘zbekiston | 2025-yil 15-dekabr
Jamiyat Kuzatuv kengashi Jamiyat ustav kapitalini $43 mln ekvivalent miqdorgacha bosqichma-bosqich yetkazish strategiyasini izchil amalga oshirish rejasini tasdiqladi hamda 2026-yilga mo‘ljallangan biznes-rejani ma’qulladi. Mazkur reja raqamli transformatsiyani davom ettirish, barqaror o‘sish va xalqaro integratsiyani kengaytirishni nazarda tutadi.
Yig‘ilishda qayd etilishicha, 2025-yil 26-noyabr kuni «EUROASIA INSURANCE» AJ (Jamiyat) joylashtirish narxi har bir aksiya uchun 2 134,32 so‘m bo‘lgan 200 mln dona aksiyalarning navbatdagi emissiyasini ro‘yxatdan o‘tkazdi. Emissiyaning umumiy hajmi 429,4 mlrd so‘mni (≈ $45,7 mln) tashkil etadi. Shundan 100 mln dona aksiya 214,7 mlrd so‘m (≈ $22,85 mln) miqdorida aksiyadorga allaqachon joylashtirilgan. Hozirda Jamiyatning ustav kapitali 186,80 mlrd so‘mni, qo‘shilgan kapitalni hisobga olgan holda esa 301,54 mlrd so‘m (≈ $25,12 mln)ni tashkil etmoqda. 2026-yilda Jamiyatning ustav kapitali qo'shimcha kapitalni hisobga olgan holda 516,27 mlrd so'mni (taxminan 43,02 mln AQSh dollari) tashkil etadi.
2026-yil uchun strategik ustuvor yo‘nalishlar
2026-yilga mo‘ljallangan asosiy yo‘nalishlar quyidagilarni o‘z ichiga oladi: Jamiyatning o‘z kapitalini 600 mlrd so‘mgacha, aktivlarini esa 1,0 trln so‘mgacha yetkazish; Jamiyatning xalqaro reyting ko‘rsatkichini yaxshilash; Kompaniyaning veb-sayti va mobil ilovasida mahsulotlar qatorini kengaytirish; xalqaro standartlar asosida anderraytingni takomillashtirish; bozorning turli segmentlari uchun ixtisoslashgan yechimlarni ishlab chiqish; sug‘urta hodisalarini tartibga solishda tezkor va shaffof mexanizmlarni yaratish; raqamli marketingni rivojlantirish va aholining sug‘urta madaniyatini oshirish; shuningdek, investitsiya faoliyatini diversifikatsiya qilish.
