EUROASIA INSURANCE navbatdan tashqari umumiy yig’ilishi

“EUROASIA INSURANCE” AJ QК aksiyadorlarining navbatdan tashqari umumiy yig‘ilishi bo‘lib o‘tdi. Yig‘ilishni Jamiyat Kuzatuv kengashi raisi Bobur  Kobulovich Shadiyev olib bordi.

Yig‘ilishda aksiyadorlar umumiy yig‘ilishi vakolatiga kiruvchi qator masalalar ko‘rib chiqilib, tegishli qarorlar qabul qilindi. Xususan:

-     Jamiyat Bosh direktori vazifasini bajaruvchi Jonibek Temirov Jamiyat Boshqaruv raisi sifatida tasdiqlandi;

-     Jamiyatning yangi tashkiliy tuzilmasi tasdiqlandi;

-     Jamiyatning ijroiya organi — Boshqaruv sifatida belgilandi;

-     Jamiyatning e’lon qilingan aksiyalari miqdori 400 000 000 (to‘rt yuz million) dona oddiy va 100 000 000 (bir yuz million) dona imtiyozli aksiyalardan iborat etib belgilandi.

Kun tartibidagi boshqa masalalar ham ko‘rib chiqildi. Ushbu qabul qilingan qarorlar Jamiyatni yanada rivojlantirishdagi muhim qadamlar ekani ta’kidlandi.