Узбекча
Ўзбекистон Республикаси Истиқболли лойиҳалар миллий агентлиги директорининг 2024 йил 25 декабрдаги 16-сон буйруғи билан тасдиқланган ва Адлия вазирлигида 2025 йил 20 январда 3601-сон билан рўйхатдан ўтказилган «Суғурталовчилар рейтингини аниқлаш ва юритиш тартиби тўғрисида»ги Низом асосида шакллантирилган янги рейтингда «EUROASIA INSURANCE» суғурта компанияси энг юқори кўрсаткичларга эга компаниялар бешлигидан ўрин олди.
Истиқболли лойиҳалар миллий агентлиги (NAPP) томонидан эълон қилинган «Суғурталовчиларнинг хизмат кўрсатиш сифати бўйича рейтинги»нинг умумий суғурта йўналиши бўйича маълумотларига кўра, «EUROASIA INSURANCE» компанияси 105 балл тўплаб, AAA кўрсаткичи билан «Юқори» тоифадаги компаниялар орасида 5-ўринни эгаллади.
Рейтинг қандай мезонлар асосида аниқланади
Низомга кўра, суғурталовчиларнинг рейтинги учта асосий йўналишдаги кўрсаткичлар йиғиндиси орқали белгиланади. Энг муҳим ва кўп баллга эга мезонлар — молиявий ҳисоботлар ва суғурта даъволарини кўриб чиқиш билан боғлиқ кўрсаткичлардир. Хусусан:
умумий суғурта даъволари сонига нисбатан ўз вақтида кўриб чиқилган даъволар улуши (юқори кўрсаткичда 15 баллгача);
тан олинган даъволар бўйича ўз вақтида тўланган суғурта товонлари (тўловлари) улуши (10 баллгача);
умумий даъволарга нисбатан қаноатлантирилган суғурта даъволарининг нисбати (10 баллгача);
суғурта тўловларининг йиғилган мукофотларга нисбати, яъни бирлаштирилган коэффициент (10 баллгача);
суғурталовчининг тўловга қобилиятлилик маржасининг етарлилик нормативи — молиявий барқарорликнинг асосий кўрсаткичи (энг юқори мезон бўйича 20 баллгача);
инвестиция фаолияти натижадорлиги ва суғурта заҳираларининг тўлиқ шакллантирилганлиги (жами 25 баллгача).
Ана шу кўп қиррали ва шаффоф баҳолаш тизими асосида шаклланган рейтингда «EUROASIA INSURANCE» компанияси ўзининг молиявий барқарорлиги, суғурта даъволарини ўз вақтида ва тўлиқ кўриб чиқиш борасидаги изчил фаолияти билан юқори кўрсаткичларга эришиб, мамлакатимиздаги энг юқори рейтингга эга суғурта компаниялари бешлигидан муносиб ўрин эгаллади.
Мижозлар ишончини оқлаш йўлида
«EUROASIA INSURANCE» мижозларнинг ишончини оқлашда давом этган ҳолда, айниқса, Транспорт воситалари эгаларининг фуқаролик жавобгарлигини мажбурий суғурта қилиш (ТВЭФЖМСҚ), КАСКО суғурта турлари бўйича суғурта даъволарини 1 (бир) кун ичида бартараф этиш йўлида изчил ишларини олиб бормоқда. Бу эса компаниянинг мижозларга оператив ва сифатли хизмат кўрсатишга бўлган амалий ёндашувини яна бир бор тасдиқлайди.
